Porciones del Antiguo Testamento y el Nuevo ... - Scripture Earth

1Saul jaidadacarea Israeldeba doce puru yõpedadada Hebron purudaa Davimaa wānapeda nãwã jarasidaa: 312. Selecciones del Antiguo Testamento y el ...
510KB Größe 2 Downloads 2 vistas
2 Samueld̶eba ab̶a Nehemianaa ʌ̃cʌrʌ b̶ʌped̶ad̶a

2 SAMUEL

UMÉBEMA CARTA SAMUEL Naʌ̃gʌrã cartad̶e b̶ʌ́ b̶ʌa israelerã mãwãped̶ad̶ada Davi ãdji boro b̶ed̶ad̶eba ab̶a Nehemiaba Jerusaleʌ̃ aud̶u jũrã ca b̶ad̶ara wayacusa obʌrʌd̶aa. Davira dji boroda b̶esia 1010 poa Jesucrito toi naẽna. Nehemiaba dji jũrã ca b̶ad̶ara waya osia 445 poa Jesucrito toi naẽna. Dadji ẽberã bed̶ead̶e naʌ̃da b̶ʌ́ eropanʌa: Umébema carta Samueld̶e b̶ʌ́ b̶ʌa Davi Israeld̶ebema boroda b̶ed̶ada, David̶eba yõbʌdarã ewariza israelerã bororãda b̶ead̶i Ãcõrẽba jarad̶ada, Daviba Betsabé ume cadjirua od̶ada, idjab̶a Davi warra Salomoʌ̃ tod̶ada. Nabema carta Cronicad̶e b̶ʌ́ b̶ʌa Ãcõrẽba Davia cawabid̶ada sãma idji de dromara oida b̶ʌda idjab̶a Davi jaid̶ad̶ada. Umébema carta Cronicad̶e b̶ʌ́ b̶ʌa Salomoʌ̃ Israeld̶ebema boroda b̶eped̶a Ãcõrẽ de droma od̶ada. Nabema carta Reyed̶e b̶ʌ́ b̶ʌa Salomoʌ̃ ne bara b̶ed̶ada, idji necawaad̶ebemada, idjab̶a wẽrã awua b̶ʌd̶eba Ãcõrẽ igarad̶ada. Maʌ̃ awara b̶ʌ́ b̶ʌa israelerã drua ab̶a b̶ad̶ada umé b̶ed̶ada: Juda druada idjab̶a Israel druada. Maʌ̃a re b̶ʌ́ b̶ʌa Israel druad̶ebema boro Jeroboaʌ̃ba israelerãa jʌwaba od̶a ãcõrẽ ẽpẽbid̶ada. Maʌ̃ awara b̶ʌ́ b̶ʌa Ãcõrẽneba bed̶eabari Elíaba od̶ad̶ebemada. Umébema carta Reyed̶e b̶ʌ́ b̶ʌa Elía bajãnaa wãnada, idji cacuabari Eliseo Ãcõrẽneba bed̶eabarida b̶ed̶ada, idjab̶a israelerãba dewara ãcõrẽ b̶ea ẽpẽ panʌ carea Ãcõrẽba dji quĩrũrãa ãdjirã jida edebid̶ada. Esdra cartad̶e b̶ʌ́ b̶ʌa Persia druad̶ebema boro Ciroba idu israelerãa ãdji druad̶aa jẽda wabid̶ada idjab̶a Ãcõrẽ de droma waya oped̶ad̶ada. Nehemia cartad̶e b̶ʌ́ b̶ʌa Nehemiaba Jerusaleʌ̃ aud̶u jũrã ca b̶ad̶ara waya obid̶ada.

5

1   Saul

Davi israelerã boroda b̶ed̶a

jaid̶ad̶acarea Israeld̶eba doce puru yõped̶ad̶ada Hebroʌ̃ purud̶aa Davimaa wãnaped̶a nãwã jarasid̶aa: 312

Selecciones del Antiguo Testamento y el Nuevo Testamento en Emberá del norte, 1a ed., © 2012, Wycliffe Bible Translators, Inc.

 313

2 SAMUEL 5

–Dadjirãra ab̶ari ẽberãrãa. 2 Saulora dadjirã boro bad̶amĩna djõne wãbʌdaza bʌabʌrʌ dadji israelerãra edeped̶a bia enebadjia. Maʌ̃ awara Ãcõrẽba jarasia bʌdrʌ idji puru Israel boroda b̶eida. Bʌabʌrʌ oveja waga b̶ʌ quĩrãca idji ẽberãrãra pe erob̶ayad̶a asia.– 3 Maʌ̃ne Hebroʌ̃ne Ãcõrẽ quĩrãpita Israeld̶ebema dji dromarãda Davi ume bed̶ea b̶ʌd̶aped̶a nedragada idji borod̶e weasid̶aa israelerã boroda b̶ʌd̶i carea. 4 Davi israelerã boroda b̶ʌsid̶ad̶e treinta poa b̶asia. Maʌ̃be cuarenta poa ãdjirã boroda b̶esia. 5 Naãrã Hebroʌ̃ne idjira siete poa aud̶u ẽsidra Judad̶eba yõped̶ad̶arã boro basía. a Mãwãnacarea 33 poa Jerusaleʌ̃ne jũma israelerã boroda b̶asia.  







6 Israelerã

Daviba Jerusaleʌ̃ puru poyad̶a

boro Davira idji sordaorã ume Jerusaleʌ̃naa djõne wãsid̶aa. Maʌ̃ ewarid̶e jebuseorãda jãma panabadjid̶aa. Ãdjirãba crĩchasid̶aa ́ a. Maʌ̃ carea idjía jarasid̶aa: Davira poya ãdji purud̶e ed̶a zeẽd ́ –Bʌra nama ed̶a poya zeẽa. Daub̶errea b̶eaba, jĩrũ biẽ ́ b̶ea bid̶a naʌ̃ puruda poya wagad̶ia bãrã ed̶a zerãnamãrẽã.– 7 Baribʌrʌ Daviba Jerusaleʌ̃ra poyaped̶a maʌ̃ purud̶e sordaorã panabada Sioʌ̃ abada sid̶a poyasia. Id̶ira Sioʌ̃ra Davi puru abadaa. 8 Israelerãba jebuseorã poyad̶i naẽna Daviba jarasia: –Jebuseorãda poya quĩrĩã b̶ʌbʌrʌ, Sioʌ̃ purud̶e ed̶a baido weamãrẽã oped̶ad̶a uriad̶eba wãida b̶ʌa. b Mãwãbʌrʌ jãʌ̃ daub̶errea b̶eamanada, jĩrũ biẽ ́ b̶eamana sid̶a bead̶ia. Ãdjirãra mʌ̃a quĩrãma b̶ʌa.– Daviba mãwã jarad̶a bẽrã id̶ira ab̶aʌba djãrãda quĩrãma b̶ʌbʌrʌ nãwã jarabaria: “Daub̶errea b̶eada, jĩrũ biẽ ́ b̶ea sid̶a dadji boro de dromane ed̶a wãnacara panʌa.” c 9 Maʌ̃be Davira Sioʌ̃ ne b̶esia. Sioʌ̃ra trʌ̃ b̶ʌ sid̶aa Davi puru. Dji puru mõgaraba aud̶u jũrã ca b̶ʌra Daviba waib̶ʌara osia idjab̶a Milo abadad̶eba ed̶a dji jogoa b̶eara egoroba daucha pãrĩ wãsia. d 10 Ãcõrẽ ne jũma poya b̶ʌda idji ume b̶ʌ bẽrã Davira ewariza dji dromaara b̶esia. 11 Maʌ̃ ewarid̶e Tiro druad̶ebema boro Hiraʌ̃ abadaba ʌ̃c ʌrʌ Davimaa diabuesia idji ume dji bia bai carea. Maʌ̃ awara bacuru de obadarãda, mõgara de obadarãda, dji biara b̶ʌ bacuru sid̶a diabuesia. Ãdjirãba Davi itea de dromada osid̶aa. 12 Maʌ̃neba Daviba cawasia Ãcõrẽba idjira wãrãda israelerã boroda b̶ʌsida. Maʌ̃ awara cawasia Ãcõrẽba idji puru Israelda quĩrĩã b̶ʌ bẽrã idjira careba b̶ʌda israelerã bia pe erob̶amãrẽã.  











a 5:5. Judad̶eba yõped̶ad̶arãba naãrã Davira ãdjirã boroda b̶ʌ sid̶aa. 2 Samuel 2:1-11. b 5:8. Sioʌ̃ purud̶e ed̶a baido ed̶a weamãrẽã oped̶ad̶a uriad̶eba. Maʌ̃ra hebreo bed̶ead̶e ebud̶a b̶ʌẽá . Ãdjirãra mʌ̃a quĩrãma b̶ʌa. Ʌ̃c ʌrʌmaarã maʌ̃gʌba jara b̶ʌa: “Ãdjirãba mʌ̃ra quĩrãma panʌa.” c 5:8. De droma. Maʌ̃ba jara b̶ʌa Ãcõrẽ de dromada wa israelerã boro de dromada. d 5:9. Hebreo bed̶ead̶e ebud̶a b̶ʌẽá cãrẽda o panasid̶ada. Selecciones del Antiguo Testamento y el Nuevo Testamento en Emberá del norte, 1a ed., © 2012, Wycliffe Bible Translators, Inc.

2 SAMUEL 5​, ​7  314

13 Hebroʌ̃neba

Davi warrarã Jerusaleʌ̃ne toped̶ad̶a

wãnacarea Jerusaleʌ̃ne Daviba quimada zocãrã edasia. Dewara wẽrãrã sid̶a zocãrã erob̶asia. Ãdjirãba warrarãda, caurã sid̶a Davia to diasid̶aa. 14 Daviba naʌ̃ warrarãda Jerusaleʌ̃ne unusia: Samúa, Sobab, Nataʌ̃, Salomoʌ̃, 15 Ibhar, Elisua, Nepeg, Japia, 16 Elisamá, Eliadá, idjab̶a Elipelet.  



7

1   Ãcõrẽba



Daviba Ãcõrẽ de droma oi crĩcha b̶ad̶a

israelerã boro Davira dji quĩrũ ume necai b̶ʌsia. Maʌ̃ awara Davira idji de dromane b̶esia. 2 Ewari ab̶a Daviba Ãcõrẽneba bed̶eabari Nataʌ̃a nãwã jarasia: –Acʌdua. Mʌ̃ de dromara dji biara b̶ʌ bacuru od̶aa baribʌrʌ Ãcõrẽ baurudera wua ded̶e b̶ʌa. e Maʌ̃ carea mʌ̃a Ãcõrẽ itea de dromada o quĩrĩã b̶ʌa.– 3 Nataʌ̃ba panusia: –Ãcõrẽra bʌ ume b̶ʌ bẽrã bʌa crĩcha b̶ʌra jũma odua.– 4 Baribʌrʌ maʌ̃ diamasi Ãcõrẽba Nataʌ̃a nãwã jarasia: 5 –Mʌ̃ nezoca Davia nãwã jarad̶e wãdua: “Ãcõrẽba nãwã jara b̶ʌa: bʌa mʌ̃ itea de dromada oiẽ ́ b̶ʌa. 6 Mʌ̃a bãrã israelerã Egiptod̶eba ẽdrʌ enena ewarid̶eba mʌ̃ra de arad̶e b̶acaa. Ãtebʌrʌ bãrã wãbʌdaza mʌ̃ wua deda eded̶aped̶a maʌ̃ne ed̶a b̶abaria. 7 Mʌ̃ bãrã drõã naẽnabemarã ume nĩbasid̶e mʌ̃ puru Israel pe eronĩbaped̶ad̶arãa jaraca basía mʌ̃ itea dji biara b̶ʌ bacuru deda od̶amãrẽã.” 8 Maʌ̃ carea Nataʌ̃, mʌ̃ nezoca Davia nãwã jaradua: “Ãcõrẽ jũma poya b̶ʌba nãwã jara b̶ʌa: mʌ̃a bʌra oveja wagabari bad̶ada edasia mʌ̃ puru Israel boroda b̶amãrẽã. 9 Bʌ wãbʌrʌza mʌ̃ra bʌ ume b̶asia. Mʌ̃a bʌ dji quĩrũda poyabisia, idjab̶a mʌ̃a bʌra trʌ̃ b̶ʌga b̶ʌsia naʌ̃ ẽjũãne dewara trʌ̃ b̶ʌga b̶ea quĩrãca. 10-11 Maʌ̃ awara mʌ̃a ẽjũãda mʌ̃ puru Israel itea edasia ewariza mama b̶ead̶amãrẽã. Ni ab̶aʌba ãdjirãra mamaʌba ãyã b̶ʌd̶aẽá . f Ẽberã cadjiruarãba ãdjirãra waa biẽ ́ od̶aẽá mʌ̃a ãdji ẽdrʌ b̶ʌbadarã diabuesi ewarid̶e biẽ ́ o panana quĩrãca. Id̶ira mʌ̃a bʌra dji quĩrũ ume necai b̶ʌya. Maʌ̃ awara mʌ̃a jaraya id̶iba ʌ̃taa bʌd̶eba yõbʌdara israelerã boroda b̶ʌya. 12 Maʌ̃ bẽrã bʌ jaid̶ad̶acarea mʌ̃a bʌ warrada ab̶a b̶ʌya dji boroda b̶amãrẽã. Mʌ̃a idjira carebaya mʌ̃ purura bia pe erob̶amãrẽã. 13 Idjiabʌrʌ mʌ̃ itea de dromada oya. Idjid̶eba mʌ̃a israelerã boroda jũma yõbigaya. 14 Mʌ̃ra idji zeza baya maʌ̃ne idjira mʌ̃ warra baya. Idjia cadjiruada osira mʌ̃a uya dji zezaba idji warra soaba ubari quĩrãca. 15 Baribʌrʌ mʌ̃a idjira quĩrĩã b̶aya. Idjira igaraẽá Saul igarad̶a quĩrãca. Mʌ̃a Saulora igarasia bʌda dji boroda b̶ʌi carea. 16 Mʌ̃a bʌd̶eba yõbʌdara idu jõbiẽá . Id̶iba ʌ̃taa mʌ̃a ãdjirãra israelerã boroda b̶ʌya.”–  



   





















e 7:2. Dji biara b̶ʌ bacuru. Hebreo bed̶ead̶e b̶ʌ́ b̶ʌa “cedro” baribʌrʌ ogoẽá . f 7:10-11. Mamaʌba ãyã b̶ʌd̶aẽá . Hebreo bed̶ead̶e b̶ʌ́ b̶ʌa: “Mama waa ure duananaẽá .” Selecciones del Antiguo Testamento y el Nuevo Testamento en Emberá del norte, 1a ed., © 2012, Wycliffe Bible Translators, Inc.

 315

2 SAMUEL 7​, 1 ​1

17 Ãcõrẽba

cawabid̶ara Nataʌ̃ba Davia jũma nẽbʌrʌsia. Daviba Ãcõrẽ quĩrãpita nãwã jarasia: –Mʌ̃ Boro Ãcõrẽ, mʌ̃ra dji dromaẽá . Mʌ̃ ẽberãrã sid̶a dji dromarãẽá . ¿Cãrẽ cãrẽã mʌ̃ra israelerã boroda b̶ʌsi? 19 Maʌ̃ awara bʌa jara b̶ʌa mʌ̃, bʌ nezocad̶eba yõbʌdara ewariza israelerã boroda b̶ead̶ida. ¿Caiba bʌ quĩrãca bia obari? g 20 Mʌ̃ Boro Ãcõrẽ, bʌa mʌ̃ crĩchara cawa b̶ʌa. Maʌ̃ bẽrã za quiru nezocaba ¿cãrẽda poya jarai? 21 Bʌa maʌ̃ biara oyad̶a ad̶a bẽrã idjab̶a o quĩrĩãna bẽrã wãrãda jũma oped̶a za quirúa cawabisia. 22 Mʌ̃ Boro Ãcõrẽ, bʌra dji dromaara b̶ʌa. Bʌ quĩrãca dewara neẽa ́ . 23 ́ Dairãba ũrĩbadjid̶aa wãrã ãcõrẽda bʌ awara neẽda. Maʌ̃ awara bʌ puru Israel quĩrãca naʌ̃ ẽjũãne dewara puruda neẽá . Ãcõrẽ, bʌa dairãra Egiptod̶ebemada ẽdrʌ edasia bʌ puruda b̶amãrẽã. Mãwã bʌra trʌ̃ b̶ʌgasia. Ne ununaca waib̶ʌa b̶ea o b̶ʌd̶eba bʌa dewara ẽberãrãda, ãdji ãcõrẽ b̶ea sid̶a dairã quĩrãpita ãyã jʌrecuasia. 24 Bʌa dai israelerãra b̶ʌsia ewariza bʌ puruda b̶amãrẽã. Maʌ̃ne bʌra dai Ãcõrẽda b̶esia. 25 Ãcõrẽ, bʌa za quiru nezoca itea idjab̶a mʌ̃ warrarã itea id̶iba ʌ̃taa oi jarad̶ara wãrãda odua. 26 Mãwã ewariza bʌra dji dromaana ad̶ia. Maʌ̃ awara nãwã jarad̶ia: “Ãcõrẽ jũma poya b̶ʌra dai israelerã Ãcõrẽa.” Maʌ̃ne bʌa mʌ̃ra, mʌ̃ warrarã sid̶a waga erob̶adua ewariza israelerã boroda b̶ead̶amãrẽã. 27 Ãcõrẽ ne jũma poya b̶ʌ, dai israelerã Ãcõrẽ, bʌabʌrʌ cawabisia mʌ̃ra, mʌ̃ warrarã sid̶a ewariza israelerã boroda b̶ead̶ida. Maʌ̃ carea mʌ̃ra bʌ nezocamĩna ne wayaa neẽ ́ nãwã bed̶ea b̶ʌa. 28 Mʌ̃ Boro Ãcõrẽ, bʌra wãrãda Ãcõrẽa. Bʌra bed̶ea ab̶a b̶ʌa. Bʌa za quiru nezocaa maʌ̃ ne biara oi jarasia. 29 Maʌ̃ carea mʌ̃ra, mʌ̃ warrarã sid̶a careba b̶adua ewariza bʌ quĩrãpita bia panani carea. Bʌa jarad̶a quĩrãca oya. Bʌa carebayad̶a ad̶a bẽrã wãrãda ewariza bia panania.– 18 Maʌ̃be























11

1   Poad̶e

Davi daunemana

naʌ̃ ẽjũãnebema bororãba ãdji sordaorãda djõne edebadjid̶aa. Maʌ̃ne Daviba jũma idji sordaorãda, ãdji boro Joáda, idjiare b̶ea sid̶a amonitarã ume djõne diabuesia. Amonitarãda zocãrã quenanaped̶a ãdji puru Rabáda jũrã edasid̶aa. Mãwã djõ panʌmisa Davira Jerusaleʌ̃ne b̶asia. 2-4 Ewari ab̶a quewara Davira cãĩ edaped̶a piradrʌsia. Maʌ̃be idji de ʌ̃rʌ̃ wãsia. Mamaʌba ed̶aa acʌbʌrʌd̶e wẽrã biya quiruda unusia. Maʌ̃ wẽrãra idji jed̶eco ununa carea cui b̶asia Ãcõrẽ quĩrãpita bia b̶ai carea. h Daviba ʌ̃cʌrʌ diabuesia idjira caida cawai carea. Jẽda zed̶aped̶a Davia jarasid̶aa Eliaʌ̃ cau Betsabéda mãwã b̶ʌda. Idji quimara Uría abadjid̶aa. Maʌ̃ Uríara hititarãnebema basía. Maʌ̃be Daviba ʌ̃cʌrʌ diabuesia Betsabéra idjimaa enenamãrẽã. Betsabéra idjimaa zeped̶a ãbaa cãĩsid̶aa. Mãwãnacarea diguid̶aa wãsia.  

g 7:19. ¿Caiba bʌ quĩrãca bia obari? Hebreo bed̶ead̶e maʌ̃ra ebud̶a b̶ʌẽá . h 11:2-4. Levitico 15:19-24. Selecciones del Antiguo Testamento y el Nuevo Testamento en Emberá del norte, 1a ed., © 2012, Wycliffe Bible Translators, Inc.

2 SAMUEL 11  316 5 Betsabéra

b̶iogoa b̶ed̶a bẽrã Davia cawabisia. 6 Maʌ̃ carea Daviba idji sordaorã boro Joámaa bed̶eada diabuesia hititad̶ebema Uría abadara idjimaa zebimãrẽã. Ara maʌ̃da Joába Uríara diabuesia. 7 Uría jũẽsid̶e Daviba idjía iwid̶isia Joára, idji sordaorã sid̶a sãwã panʌ cawaya. Idjab̶a iwid̶isia ãdjirã djõ panʌne sãwã wãnada. 8 Mãwã nẽbʌrʌd̶aped̶a Daviba Uríaa jarasia diguid̶aa ʌ̃nãũne wãmãrẽã. i Uría Davi ded̶eba wãnacarea Daviba djico dji biara b̶ʌda Uríamaa diabuesia comãrẽã. 9 Baribʌrʌ Uríara idji diguid̶aa wãẽ ́ basía. Ãtebʌrʌ Davi wagabada sordaorã cãĩbadama Davi ded̶e ed̶a wãbada caita cãĩsia. 10 Daviba ũrĩsia Uríara diguid̶aa wãẽ ́ basida. Maʌ̃ carea trʌ̃ped̶a nãwã iwid̶isia: –Bʌ tʌmʌba zed̶ada ¿sãwãẽrã diguid̶aa wãẽ ́ basi?– 11 Maʌ̃ ne Uríaba panusia: –Ãcõrẽ baurudera, Judad̶ebema sordaorãra, waabema israelerã sordaorã sid̶a ãdji wua de zaqued̶e cãĩ panʌa. Mʌ̃ boro Joára, idjiare b̶ea sid̶a puru tʌmʌ cãĩ panʌa. Maʌ̃ bẽrã biẽ ́ b̶ʌa mʌ̃ra diguid̶aa wãped̶a ne coida idjab̶a mʌ̃ quima ume cãĩda. Mʌ̃ boro, wãrãneba mʌ̃a jaraya: mãwã oẽá .– 12 Maʌ̃ ne Daviba idjía jarasia: –Id̶i bid̶a nama b̶edua. Nubʌrʌ jẽda djõne wãbiya.– Daviba mãwã jarad̶a bẽrã Uríara Jerusaleʌ̃ne b̶esia. 13 Maʌ̃ne Daviba idjira ne cod̶e trʌ̃bisia. Ne co panʌne Daviba itua dawaped̶a Uríara beu nũmesia. Queud̶acarea Uríara dajadaa Davi wagabada sordaorãmaa cãĩne wãsia. Diguid̶aa wãẽ ́ basía. 14 Uríara idji quima ume cãĩnaẽ ́ bẽrã nurẽma Daviba cartada Joá itea b̶ʌsia. Maʌ̃ cartara Uría ume diabuesia. 15 Dji cartad̶e nãwã b̶ʌ́ b̶asia: “Dadjirã dji quĩrũ mẽsrãara b̶ea djõ panʌma Uríara djõbidua. Maʌ̃be idub̶a ametad̶adua bead̶amãrẽã.” 16 Joába idji sordaorã ume amonitarã purura jũrã eropanasid̶aa uracad̶i carea. Maʌ̃ bẽrã idjia cawa b̶asia sãma amonitarã dji mẽsrãara b̶eara djõ panʌda. Uríara mama djõbisia. 17 Mãwã b̶ʌd̶e amonitarãra Joá sordaorã ume djõni carea ãdji purud̶eba dajadaa zed̶aped̶a Davi sordaorãda ʌ̃cʌrʌ beasid̶aa. Hititad̶ebema Uría abada sid̶a beasid̶aa. 18 Maʌ̃be Joába ãdji djõ panʌnebemada ab̶a Davia jũma jarad̶e diabuesia. 19 Wãi naẽna nãwã jarasia: –Dadji djõ panʌnebemara dadjirã boro Davia jũma nẽbʌrʌdua. 20 Dadjid̶ebemada ʌ̃cʌrʌ beasid̶ada ũrĩbʌrʌd̶e idjira quĩrũped̶a ãĩbẽrã nãwã jaraisicada: “Bãrã djõ panʌne ¿cãrẽ cãrẽã dji puru aud̶u jũrã ca b̶ʌ caita wãsid̶a? ¿Mamaʌba ãdjirãba ne bariduaba tab̶aribadada adua panasid̶aca? 21 ¿Quĩrãdoasid̶aca sãwã wẽrãba Jerobaal warra Abimelera Tebé purud̶e beasida? Dji puru aud̶u jũrã ca b̶ʌd̶eba yu waib̶ʌada Abimele ʌ̃rʌ̃ b̶aebisia. j Maʌ̃da bãrãra  































i 11:8. Ʌ̃nãũne wãmãrẽã. Hebreo bed̶ead̶e b̶ʌ́ b̶ʌa: “Jĩrũ sʌgʌd̶e wãmãrẽã.” 9:50-54.

j 11:21. Juece

Selecciones del Antiguo Testamento y el Nuevo Testamento en Emberá del norte, 1a ed., © 2012, Wycliffe Bible Translators, Inc.

 317

2 SAMUEL 11​, ​12

¿cãrẽ cãrẽã dji puru aud̶u jũrã ca b̶ʌ caita wãsid̶a?” Dadji boro Davida mãwã quĩrũibʌrʌ nãwã jaradua: “Mʌ̃ boro, bʌ sordao hititad̶ebema Uría sid̶a beasid̶aa.”– 22 Ara maʌ̃da Joába diabued̶aba jarad̶e wãsia. Davima jũẽped̶a Joába jarabid̶ada jũma nẽbʌrʌsia. k 23 Nãwã jarasia: –Amonitarãra ãdji purud̶eba dajadaa djõne zed̶aped̶a daira poyabʌda basía. Baribʌrʌ daiba ãdjirãra jẽda ãdji purud̶e ed̶a wãbadamaa mĩrũ wãbisid̶aa. 24 Maʌ̃ne cha drʌbadaba dji puru aud̶u jũrã ca b̶ʌd̶eba daimaa drʌ panesid̶aa. Maʌ̃ba bʌ sordaorãra ʌ̃cʌrʌ beasid̶aa. Hititad̶ebema Uría abada sid̶a beasid̶aa.– 25 Maʌ̃ ũrĩped̶a Daviba dji jarad̶e zed̶aa nãwã jarasia: –Joáa jaradua jũmawãyã crĩcharãmãrẽã. Djõ panʌne ʌ̃cʌrʌ beubadaa. Baribʌrʌ jaradua jãʌ̃ puru ume wetara djõnamãrẽã ab̶a poyabʌdad̶aa. Maʌ̃ bed̶eaba idjira sobiaya.– 26 Uría beaped̶ad̶a cawasid̶e dji quimaba sopua ewarida wagasia. 27 Idji sopua ewari jõnacarea Daviba idji ded̶aa enebiped̶a edasia. Maʌ̃be wẽrãba Davi warrada tosia. Baribʌrʌ Daviba od̶ara Ãcõrẽba biẽ ́ unusia.  











12

1   Mãwãnacarea

Nataʌ̃ba Davi quẽãna

Ãcõrẽba Nataʌ̃da Davimaa wãbisia. Jũẽped̶a Davia nãwã nẽbʌrʌsia: –Puru ab̶aʌd̶e ẽberãda umé panasid̶aa. 2 Ab̶a ne bara b̶asia. Idjia ovejada, paca sid̶a zocãrã erob̶asia. Dewarabemara ne neẽ ́ querasia. 3 Idjia nẽdod̶a oveja wẽrã zaqueda ab̶abe erob̶asia. Maʌ̃ oveja zaquera daupẽsia. Ovejara dji ẽberã ume idjab̶a idji warrarã ume ãbaa warisia. Dji ẽberãba coi carea erob̶ʌd̶ebemada ovejaa cobibadjia. Idji tazad̶e baidoda dobibadjia. Idjab̶a ovejara idji caita cãĩbadjia. ¡Maʌ̃ ẽberãba dji oveja zaquera idji cau quĩrãca bio quĩrĩã b̶asia! 4 Ewari ab̶a ẽberãda dji ne bara b̶ʌmaa zesia. Ne bara b̶ʌba maʌ̃ ẽberãa ne cobida crĩchasia baribʌrʌ idji animarãnebemada bea quĩrĩãẽ ́ basía. Ãtebʌrʌ ne neẽ ́ quiru oveja zaqueda jãrĩped̶a beasia. Maʌ̃be djusia idjimaa zed̶aba comãrẽã.– 5 Maʌ̃ ũrĩbʌrʌd̶e ẽberãba oveja zaque jãrĩna carea Davira bio quĩrũped̶a Nataʌ̃a nãwã jarasia: –¡Ãcõrẽ quĩrãpita wãrãneba mʌ̃a jaraya: mãwã od̶a ẽberãra beuida b̶ʌa! 6 Ne neẽ ́ quirura quĩrã djuburiad̶aẽ ́ bẽrã dji oveja zaque nẽbʌara b̶arima quĩmãrẽ jẽda diaida b̶ʌa.– 7 Maʌ̃ ne Nataʌ̃ba Davia jarasia: –¡Bʌdrʌ jãʌ̃ ẽberãa! Maʌ̃ carea dadji israelerã Ãcõrẽba nãwã jara b̶ʌa: “Mʌ̃a bʌra b̶ʌsia israelerã boroda b̶amãrẽã. Idjab̶a Saulba bea quĩrĩã b̶ad̶ad̶ebemada ẽdrʌ  











k 11:22. Griego bed̶ead̶e idjab̶a nãwã b̶ʌ́ b̶ʌa: “Maʌ̃ne Davira Joá ume quĩrũped̶a dji jarad̶e wãnaa nãwã jarasia: Bãrã djõsid̶ad̶e ¿cãrẽ cãrẽã dji puru jũrã ca b̶ʌ caita wãsid̶a? ¿Mamaʌba ãdjirãba ne bariduaba tab̶aribadada adua panasid̶aca? ¿Quĩrãdoasid̶aca sãwã wẽrãba Jerobaal warra Abimelera Tebé purud̶e beasida? Dji puru aud̶u jũrã ca b̶ʌd̶eba yu waib̶ʌada Abimele ʌ̃rʌ̃ b̶aebisia. Maʌ̃da bãrãra ¿cãrẽ cãrẽã dji puru aud̶u jũrã ca b̶ʌ caita wãsid̶a?” Selecciones del Antiguo Testamento y el Nuevo Testamento en Emberá del norte, 1a ed., © 2012, Wycliffe Bible Translators, Inc.

2 SAMUEL 12  318

b̶ʌsia. 8 Maʌ̃ awara mʌ̃a Saul israelerã boro bad̶ada jãrĩped̶a bʌ́a diasia. Idji wẽrãrã sid̶a diasia. Mʌ̃a bʌra Judad̶ebemarã, waabema israelerã boroda b̶ʌsia. Mʌ̃a bʌ́a diad̶ada cʌrebaed̶abara aud̶uara diacasia. 9-10 Bʌa ¿cãrẽ cãrẽã mʌ̃ bed̶eara igarasi? ¿Cãrẽ cãrẽã osi mʌ̃a cadjirua unu b̶ʌda? Bʌra mĩã beasia. Bʌa hititad̶ebema Uría abadada amonitarãa beabisia. Maʌ̃be idji quimara edasia. Bʌa mʌ̃ra mãwã igarad̶a bẽrã id̶iba ʌ̃taa bãrã djõbʌdad̶e bʌ warrarãra ãdjid̶eba yõbʌdarã sid̶a ʌ̃cʌrʌ beud̶ia. 11 Mʌ̃a nãwã jaraya: bʌ ẽberãrãnebema ab̶a ʌba bʌra biẽ ́ oya. Bʌ quĩrãpita mʌ̃a bʌ wẽrãrãda jãrĩped̶a ab̶a ʌa diaya. Maʌ̃ ẽberãra israelerã quĩrãpita bʌ wẽrãrã ume cãĩya. 12 Bʌa cadjirua od̶ara mẽrã osia baribʌrʌ maʌ̃ ẽberã bʌ wẽrãrã ume cãĩbʌrʌd̶e mʌ̃a jũma israelerãa unubiya.”– 13 Daviba Nataʌ̃a jarasia: –Wãrãda mʌ̃a Ãcõrẽ quĩrãpita cadjiruada osia.– Nataʌ̃ba panusia: –Bʌa cadjirua od̶ara Ãcõrẽba quĩrãdoaya. Maʌ̃ bẽrã bʌra beuẽá . 14 Baribʌrʌ bʌa Ãcõrẽ quĩrãpita bio cadjirua od̶a bẽrã bʌ warra zaqueda jaid̶aya.– l 15 Nataʌ̃ diguid̶aa wãnacarea Uría quimaba Davia to diad̶a warrara Ãcõrẽba bio cacua biẽ ́ b̶ʌsia. 16 Maʌ̃ne Daviba idji warra carea Ãcõrẽa bed̶ea djuburiasia. Ne coẽ ́ b̶asia idjab̶a egode cãĩbadjia. 17 Dji dromarã idji ded̶e panabadaba jarabadjid̶aa piradrʌmãrẽã. Mãwãmĩna ĩjãca basía. Idjab̶a ãdjirã ume ne co quĩrĩãca basía. 18 Mãwã b̶ʌd̶e siete ewarid̶e dji warrara jaid̶asia. Maʌ̃ ne dji dromarãba Davia jarad̶ida waya panasid̶aa. Nãwã crĩcha panasid̶aa: –Idji warra wad̶i zocai b̶asid̶e sobiamãrẽã idji ume bed̶eabadjid̶amĩna dadji bed̶eara ĩjãca basía. Maʌ̃da ¿sãwãbʌrʌ idjía jarad̶i dji warrara jaid̶asida? Sopuaba ara idub̶a biẽ ́ oisicada.– 19 Daviba unusia dji dromarãra ãdjidub̶a bed̶ea panʌda. Maʌ̃gʌd̶eba cawasia idji warrara jaid̶asida. Maʌ̃ bẽrã iwid̶isia: –¿Mʌ̃ warrara jaid̶asica?– Ãdjia panusid̶aa: –Mãẽ, jaid̶asia.– 20 Ara maʌ̃da Davira egodeba piradrʌped̶a cuid̶e wãsia. Cuiped̶a querada pãped̶a djioped̶a Ãcõrẽ ded̶e ed̶a wãsia bia bed̶eai carea. Mãwãnacarea diguid̶aa wãped̶a jarasia idjira ne cobid̶amãrẽã. Maʌ̃be ne cosia. 21 Ne co b̶ʌd̶e dji dromarãba iwid̶isid̶aa: –Dai boro, ¿cãrẽã jãwã o b̶ʌ? Bʌ warra wad̶i zocai b̶asid̶e bʌra ne coca basía idjab̶a idji carea jĩã b̶abadjia. Baribʌrʌ bʌ warra jaid̶ad̶acarea ¡bʌra piradrʌped̶a ne co b̶ʌa!– 22 Daviba panusia: –Mʌ̃ warra zocai b̶asid̶e mʌ̃ra ne coẽ ́ jĩã b̶asia. Mʌ̃a crĩcha b̶asia ãĩbẽrã Ãcõrẽba mʌ̃ra quĩrã djuburiaped̶a mʌ̃ warrara zocai b̶ʌisicada. 23 Baribʌrʌ  





























l 12:14. Bʌa Ãcõrẽ quĩrãpita bio cadjirua od̶a bẽrã. Hebreo bed̶ea ʌ̃c ʌrʌ cartad̶e nãwã b̶ʌ́ b̶ʌa: “Bʌa Ãcõrẽ dji quĩrũa idjid̶ebemada biẽ ́ bed̶eabid̶a bẽrã.” Selecciones del Antiguo Testamento y el Nuevo Testamento en Emberá del norte, 1a ed., © 2012, Wycliffe Bible Translators, Inc.

 319

2 SAMUEL 12

jaid̶ad̶a bẽrã mʌ̃a idjira poya waya zocai b̶ʌẽá . Maʌ̃da ¿cãrẽ cãrẽã ne coẽ ́ b̶ai? Mʌ̃a idjira unune wãya baribʌrʌ idjira mʌ̃maa waa zeẽá .– Salomoʌ̃ tod̶a

24 Idji

warra jaid̶ad̶a carea Daviba idji quima Betsabéra sobiabiped̶a idji ume cãĩsia. Betsabéra b̶iogoa b̶eped̶a warrada tosia. Maʌ̃ warrara Daviba trʌ̃ b̶ʌsia Salomoʌ̃. m Ãcõrẽba maʌ̃ warrara bio quĩrĩãsia. 25 Bio quĩrĩãna bẽrã idjid̶eba bed̶eabari Nataʌ̃ra Davimaa diabuesia. Idjia jarabisia maʌ̃ warrara Jedidía trʌ̃ b̶ʌmãrẽã. n  

Daviba Rabá puru poyad̶a

26 Maʌ̃misa Joára idji sordaorã bara amonitarã ume Rabá purud̶e djõ

panasid̶aa. Maʌ̃ne purura poyabʌda basía. 27 Maʌ̃ bẽrã idjia ʌ̃cʌrʌ Davimaa nãwã jarad̶e diabuesia: “Mʌ̃ra Rabá puru ume djõped̶a ãdji baido juebadara mʌ̃ jʌwaed̶a erob̶ʌa. 28 Waabema sordaorãda isabe eneped̶a purura jũrã edad̶adua. Mãwã bʌabʌrʌ purura poyaya. Bʌda zeẽb́ ʌrʌ, mʌ̃a poyaped̶a purura mʌ̃ trʌ̃da b̶ʌd̶ia.” 29 Ara maʌ̃da Daviba idji sordaorãda jũma jʌresia. Maʌ̃be Rabá purud̶aa djõne edeped̶a poyasia. 30 Daviba Rabá purud̶ebema boro nepe oro od̶ada edasia. Dji zʌgʌara 75 libra b̶asia. o Mõgara nẽbʌa biya qued̶eada maʌ̃ neped̶aa cara b̶easia. Maʌ̃ra Davi boro ʌ̃rʌ̃ jira b̶ʌsid̶aa. Maʌ̃ awara Daviba Rabá purud̶ebema ne bia qued̶eada zocãrã edasia. 31 Rabád̶ebemarãra Daviba jidaped̶a õgo trajabisia. Ʌ̃cʌrʌa bacuruda ʌrrabisia, ʌ̃cʌrʌa egorod̶e corobisia, ʌ̃cʌrʌa zagaraba bacuruda tutabisia, idjab̶a ʌ̃cʌrʌa de obada mõgarada obisia. p Amonitarã puruza Daviba mãwã obisia. Mãwãnacarea Davira jũma idji sordaorã ume jẽda Jerusaleʌ̃naa wãsid̶aa.  









m 12:24. Hebreo bed̶ead̶e ebud̶a b̶ʌẽá caiba dji warrara trʌ̃ b̶ʌ sida. Ʌ̃c ʌrʌmaarã Betsabéba trʌ̃ b̶ʌsia. n 12:25. Hebreo bed̶ead̶e Jedidía trʌ̃ba jara b̶ʌa: “Ãcõrẽba quĩrĩã b̶ʌ.” o 12:30. 75 libra. Hebreo bed̶ead̶e b̶ʌ́ b̶ʌa “talento ab̶a.” Rabá purud̶ebema boro. Hebreo bed̶ead̶e b̶ʌ́ b̶ʌa “Milcoʌ̃.” Ʌ̃c ʌrʌmaarã Milcoʌ̃ra ãdji jʌwaba od̶a ãcõrẽ basía. p 12:31. De obada mõgarada obisia. Hebreo bed̶ead̶e ebud̶a b̶ʌẽá cãrẽda obisida. Selecciones del Antiguo Testamento y el Nuevo Testamento en Emberá del norte, 1a ed., © 2012, Wycliffe Bible Translators, Inc.