Coros e himnos en Yukuna [ISO: ycn]

//Pika wakára'ari Pi'irí i'imaká majó. Tupana, Tupana, pilá pila'aká weká.//. "Nuñathé alajerí Tupana, ñakele unká nukero'oló chapú inaluké lalajika nuká piya”.
2MB Größe 0 Downloads 2 vistas
TUPANA YALE MARÍ Coros e himnos en Yukuna

TUPANA YALE MARÍ Coros e himnos en Yukuna

TUPANA YALE MARÍ

Coros e himnos en Yukuna

“Jataní Tupana yale pajwaꞌatéchaka.Iwajá ipéchuwa palá rilaꞌakare iká nakojé”. (Colosenses 3:16 b)

Compiladora: Junia Halverson de Schauer. Ilustración de la tapa: Hans Elwert. Se les agradece la contribución de varios miembros de la étnia Yukuna-Matapí: Hernando Matapí, Iván Matapí, Manuel Matapí, Alfredo Yukuna, Eladio Yukuna.

© 2014 Quinta edición, 2014 200 ejemplares

Imprenta en: Editorial La Buena Semilla Bogotá, Colombia http://www.scriptureearth.org

ÍNDICE CHÁꞌATAJERI WANI JESUCRISTO ….………………..12 CHUWAJÁ WAWATA TUPANA JAꞌAPIYÁ JEMAꞌAKANA ………………………………………….35 IꞌIJNÁ WAPURAꞌACHÓ PALÁ ………….………………..9 INAꞌUKÉ WANI INÁ NAJWAꞌATÉ …….……….........37 ÍKIꞌIJA JESUCRISTO WÁTAKA WEKÁ ….……………20 JESUCRISTO LAꞌARÍ PALÁ WAPECHU ….…………..43 JESUCRISTO NUMAJE PIJLÓ ……………….……………..7 JESUCRISTO WAꞌATÉ NOꞌOPAKA ……….....………..34 JESUCRISTO WAꞌATÉJENA WEKÁ ……………..........31 JESUCRISTO WAꞌATEJE NUꞌUMAKACHU ………….22 JESUCRISTO WAÍCHA PIÑO ………………..……………27 JESUCRISTO WEꞌEPIRI WAMUꞌUJÍ PALÁ……........42 KAJRÚ PÉCHURI RIKÁ ………………………….….……….17

KAJRÚ PÉCHURI TUPANA ……………………..……….14 MEKE PALÁ WANI TUPANA LAꞌAKÁ WEKÁ ...........4 ¿NA RIKÁ? ………………………………………….…………..26 NOÉ ……………………………………………………….……….23 NUWATA TUPÁNAJLO JATANÍKANA ..…….............1 NUJWÁKEꞌEWE WANI JESUCRISTO ………………….21 NUꞌUMÁ RIYUKUNA TUPÁNAJLO ……………………30 PALÁ PILAꞌAKÁ WEKÁ ……………………………………..36 PALÁ TUPANA WAKÁRAꞌAKA NUKÁ ………………..25 PALÁ WAJMEꞌETÁJIKA RIWAKAJÉ ……………………28 PALÁ WEꞌEMAJIKA ………………………………………….29 PALANI RIKÁ ……………………………………………........16 PIꞌIMATÁ NUKÁ ………………………………………………..6 PUꞌUJÍ WAPECHU ………………………………..............24 PUꞌUJÍ, PUꞌUJÍ WAPECHU ……………………………….10 RIKAJA KALÉ JESUCRISTO ………………….………………5

RIꞌIMATÁ NUKÁ KAPICHÁKAJO LIYÁ ……………….19 San Juan 13:34,35 …………………………………...........38 TUPANA AꞌARÍ WAJLÓ WEꞌECHÚ KAꞌALÁ …..........8 TUPANA LAꞌARÍ NUKÁ …………………………………….18 TUPANA, PAꞌÁ WAÑATHÉ ……………………………….40 TUPANA, PALÁ PILAꞌAKÁ WEKÁ …………………………3 TUPANA, PIKAꞌÁ PINAKOJÓ WAPECHU ……………33 TUPANA, PUꞌUJÍ WAPECHU …………………………….41 TUPANA, TUPANA, TUPANA ……………………………..2 TUPANA WEꞌEPIRI NUNAKU PIYUKEJA …………….39 WACHIꞌINARIKANA RIKÁ ……………………..............13 WAÑAKARÉ CHU …………………………………………….11 WARAꞌAPÁ ……………………………………………………..15 WAWATA PAꞌAPIYÁ JEMAꞌAKANA …………………..32

PREFACIO Como todas las personas, a los

Yukunas también les agradan las

canciones y la música. Las abuelas, madres y hermanas mayores,

acostumbran cantar canciones de cuna a los niños. Los hombres cantan y bailan durante sus fiestas.

Por medio de la Biblia Dios se

comunica con nosotros, y por medio de cánticos podemos expresar gratitud y

alabanza a Él. La mayor parte de estos

cánticos tienen relación con temas de la Biblia. Algunos son de la propia

inspiración de los Yukunas, como

demostración de gratitud al Señor por su poder y ayuda.

Confiamos que en el futuro más

Yukunas podrán componer sus propias canciones de alabanza y adoración al Señor del cielo y de la tierra.

Esta selección de himnos y coros se

puede usar junto con el Nuevo

Testamento y porciones del Antiguo Trestamento en Yukuna revisado y

publicado en 2014. También hay un CD de las canciones.

1. NUWÁTAKA TUPÁNAJLO JATANÍKANA

Nuwátaka Tupánajlo jataníkana, puꞌují nupechu iꞌimakale.

Nuwata rijló jataníkana,

rapiyákakale nupechu.

Nujwákeꞌewe riká, nujwákeꞌewe riká. Wachiꞌinárikana riká, kewákaje

Ripurákaꞌalo.

Ripalamane aú iná iꞌimajla palá. Ripalamane aú iná laꞌajla palá.

1

2. TUPANA, TUPANA, TUPANA

Tupana, Tupana, Tupana, kajrú péchuri piká.

Pipalamane waja nakaje paꞌakare wajló.

Tupana, Tupana, weꞌematájeri piká. //Piká wakáraꞌari Piꞌirí iꞌimaká majó.

Tupana, Tupana, pilá pilaꞌaká weká.// “Nuñathé aꞌajerí Tupana, ñakele

unká nukeroꞌoló chapú inaꞌuké laꞌajika

nuká piyá”. (Hebreos 13:6b)

2

3. TUPANA, PALÁ PILAꞌAKÁ WEKÁ

//Tupana, palá pilaꞌaká weká,

ñakele wemaꞌá paꞌapiyá.//

CORO: //Paꞌapiyá jemaꞌakana aú iná

iꞌimá palá. Inaꞌuké muꞌují weꞌepéjeri

piká. Palá kaja pamaka weká, ñakele wemaꞌá paꞌapiyá.//

//Tupana, wapechu ñathé aꞌajeri piká, ñakele wemaꞌá paꞌapiyá.//

//Tupana, kajmuchaji aꞌajeri piká, ñakele wemaꞌá paꞌapiyá.//

3

4. MEKE PALÁ WANI TUPANA LAꞌAKÁ WEKÁ

Meke palá wani Tupana laꞌaká weká.

Unká rimejñátala Riꞌirí wani iꞌimaká.

Raꞌá riꞌimaká, ritakaꞌakáloje wachaya

penaje, raú waweꞌepí aꞌakachi wani

Tupana.

CORO: Meke palá wani Tupana laꞌaká

weká, riꞌiwapákale weká rijwaꞌatéjana

penaje.

Marí ejaꞌawá chu wamá chapú kaje

yajwé. Kewini kaje yajwé wamá kaja. Waweꞌepí Tupana laꞌajika piyukeja

4

nakaje palá íkiꞌija wátakaño

rikajlo, ráchoꞌokoloje palá najló.

Unká na kalé kapichátarijla weká,

Jesucristo takaꞌakale wachaya iꞌimaká.

Unká na kalé jáchoꞌotarijla weká riliyá, riꞌiwapákarena wani weꞌemakale.

“¡Meke palá wani Tupana pechu wanaku!

Wajwaꞌaté riká, raꞌakáloje wañathé penaje,

ñakele unká chapú, ajopana laꞌakare weká, cháꞌatalaje weká. Unká Tupana mejñátala

Riꞌirí iꞌimaká, nenoka piyá riꞌimaká. Raꞌá

riꞌimaká, ritakaꞌakáloje piyukeja wachaya.

Ñakele raꞌajé kaja wajló,

5

Riꞌirí Jesucristo waꞌaté, piyukeja nakaje rimakare nakú iꞌimaká.

Nuweꞌepí unká na kalé

jáchoꞌotarijla weká Tupana liyá, riwátaka

piyá weká íkiꞌija. Takaꞌakaje kaꞌajná,

iꞌimakaje kaꞌajná, rijwaꞌatéjena jeꞌechú chiyájena kaꞌajná, jiñana kaꞌajná,

wawakáraꞌajeño kaꞌajná, nakaje meꞌetení

iꞌimakare kaꞌajná, aꞌajná ñoꞌojó chami iꞌimajíkare kaꞌajná, neká yenuwa

iꞌimakárena kaꞌajná, kawakala jakú

iꞌimakárena kaꞌajná. ¡Unká wani na kalé

jáchoꞌotarijla weká Tupana liyá, riwátaka

piyá weká íkiꞌija wani! Waweꞌepí ñakeja

wani riꞌimajika wajló, wawakáraꞌajeri

6

Jesucristo laꞌakale weká palá wani.”

(Romanos 8:31,38-39)

5. RIKAJA KALÉ JESUCRISTO

Rikaja kalé, Jesucristo,

rikaja kalé riká, iꞌimatari iná kapichákajo liyá.

Unká apú iꞌimalá weꞌematájeri penaje. Rikaja kalé, Jesucristo, rikaja kalé riká.

“Unká apú inaꞌuké iꞌimalá iná iꞌimatájeri

penaje; unká Tupana aꞌalá apú marí

ejaꞌawá chu, riꞌimatákaloje iná kapichákajo

7

liyá. Rikaja kalé Jesús, pajluwaja, iꞌimatárijla weká kapichákajo liyá Tupánajlo”. (Hechos 4:12) 6. PIꞌIMATÁ WEKÁ

Piꞌimatá, piꞌimatá weká,

ke wemaká Jesucrístojlo.

Piꞌimatá weká kapichákajo liyá,

weꞌemakáloje palá pijwaꞌaté.

Puꞌuwaré kaje nulaꞌakeno,

numanáicho laꞌakana nakuja

nuꞌumaké. Riká apichátari nuꞌumaká, apichátari nuꞌumaká Tupana liyá.

8

Chuwa kaja ramako wani nuchaje, puꞌuwaré kaje nulaꞌakare liyá.

Raú ja kalé nulaꞌá palá,

Jesucristo palamane aú ja.

7. JESUCRISTO, NUMAJE PIJLÓ

Jesucristo, numaje pijló, numaje pijló: Nuꞌumatájeri piká.

Raú nuwajwé piká, nuwajwé piká, paꞌapiyaja nomaꞌajé.

Numaje pijló, numaje pijló, kewaka numaká pijló:

Nuwajwé piká, nuwajwé piká, paꞌapiyaja nomaꞌajé.

9

Notaneje pijló, notaneje pijló, puꞌují nupechu iꞌimakale.

Notaneje pijló, notaneje pijló, keyajupa nuꞌumakale.

8. TUPANA AꞌARÍ WAJLÓ WEꞌECHÚ KAꞌALÁ

Tupana aꞌarí wajló //weꞌechú kaꞌalá,// weꞌemakáloje palá

//pajwaꞌatéchaka.// Tupana aꞌarí wajló weꞌechú kaꞌalá, waꞌakáloje palá pañathéchaka.

Raú raꞌá wajló weꞌechú kaꞌalá.

10

“Ipuraꞌó pajwaꞌatéchaka Tupana yale

nakú, Ripurákaꞌalo nakiyana nakú; ilaꞌá

kaphí papechúwaka raú. Jataní Tupánajlo, puꞌují ipechu iꞌimakale rinaku”. (Efesios 5:19)

9. IꞌIJNÁ WAPURAꞌACHÓ PALÁ TUPANA NAKÚ

CORO: //Iꞌijná wapuraꞌachó palá Tupana

nakú, riyani nakiyana weká.//

//Wáchoꞌotachi wayáteꞌela rijló,

waweꞌepíkale kewaka riká.//

11

//Wetachi wejluwá, weꞌejnatachi

wapechuwá, waweꞌepíkale kajrú péchuri

riká.//

//Wajmeꞌetachi wanuma, wataníkaloje rijló, puꞌují wapechu iꞌimakale.// 10. PUꞌUJÍ, PUꞌUJÍ, PUꞌUJÍ WAPECHU

//Puꞌují, puꞌují, puꞌují wapechu

Wawakáraꞌajeri Jesucristo nakú.// Apú chaje palaka riká.

Apú chaje weꞌepika riká.

Apú chaje kapechuka riká.

12

Cháꞌatajeri wani Jesucristo. “Kajrú wani weꞌepika nakaje Tupana. Unká na wani kalé yuriro riyami; unká na kalé

iphátarijla ripechu; unká na kalé iꞌimárijla palá nakaje rimakare nakú yukuna. (Romanos 11:33)

11. WAÑAKARÉ CHU

//Wañakaré chu, wañakaré chu, wawata Jesús wajwaꞌaté.//

//Wajwaꞌaté Jesús, wajwaꞌaté Jesús,

raú palá weꞌemajika.//

//Nañakaré chu, nañakaré chu,

13

nawata Jesús najwaꞌaté.//

//Najwaꞌaté Jesús, najwaꞌaté Jesús raú palá neꞌemajika.//

//Piñakaré chu, piñakaré chu,

¿e piwátaka Jesús pijwaꞌaté?//

//Pijwaꞌaté riꞌimajika ee,

Pijwaꞌaté riꞌmajika ee, eyá palá piꞌimajika.//

12. CHÁꞌATAJERI WANI JESUCRISTO

CORO: ///Cháꞌatajeri wani Jesucristo, ///Tupana iꞌirí riꞌimakale.

14

Jesucristo cháꞌatari Jiñá Chiꞌinárikana

iꞌimaká. Unká wani remaꞌalá raꞌapiyá

iꞌimaká. Jesucrístoja kalé cháꞌatari riká, Tupana iꞌirí riꞌimakale.

Jesucristo motoꞌorí Belén e iꞌimaká.

Inaꞌuké wani riꞌimaká maare ejaꞌawá

chu. Richáꞌata takaꞌakaje, raú rimakápoꞌo iꞌimaká, Tupana iꞌirí riꞌimakale.

Jeꞌechú chu riká Raraꞌapá waꞌaté.

Palá raꞌaká rinakojó weká.

Ripaꞌajó piño majó raꞌapiyatéjena wáꞌaje, neꞌemakáloje rijwaꞌaté jeꞌechú chu.

15

13. WACHIꞌINÁRIKANA RIKÁ

Tupana keñoꞌótari jeꞌechú iꞌimaká.

Tupana keñoꞌótari ejaꞌawá iꞌimaká.

Tupana keñoꞌótari kamejérina iꞌimaká.

Rikeñoꞌóta kaja inaꞌuké iꞌimaká.

CORO:///Wachiꞌinárikana riká,/// Wawakáraꞌajeri kaja Tupana.

Tupana aꞌarí rinakojó jeꞌechú

Tupana aꞌarí rinakojó ejaꞌawá.

Tupana aꞌarí rinakojó piká. Raꞌá kaja rinakojó nuká.

“Tupana wakáraꞌaka jeꞌechú, ejaꞌawá waꞌaté iꞌimaká, keja riꞌimaká raú”.

16

(Pipuraꞌó Génesis 1 waꞌaté) 14. KAJRÚ PÉCHURI TUPANA

Kajrú péchuri Tupana,

//kajrú péchuri riká.//

//Tupana laꞌarí piyukeja palá,

unká na rilaꞌalá puꞌuwaré.//

Nupechu lamáꞌatajeri riká;

nupechu palaꞌatájeri riká;

nupechu yakátajeri kaja riká. ///Palá Ripechu wakáraꞌaka nuká,/// raú ja kalé nulaꞌaká palá.

17

15. WARAꞌAPÁ

Waraꞌapá, jeꞌechú chu iꞌimakare, palájneꞌeke wani piká.

Wawata piꞌimaká Wawakáraꞌajeri wani, palájneꞌeke wani piká.

Paꞌá wajló aꞌajnejí chuwajá, palájneꞌeke wani piká.

Wajñákaloje riká penaje,

palájneꞌeke wani piká.

Pamó wachaje puꞌuwaré walaꞌakare liyá, palájneꞌeke wani piká.

Wamako ajopana chaje ke kaja, palájneꞌeke wani piká.

Piyuríniña nakaje aꞌaká wameꞌé

rijluwa, palájneꞌeke wani piká.

18

Walaꞌaká piyá puꞌuwaré raú, palájneꞌeke wani piká.

Piꞌimatá weká puꞌuwaré laꞌajeño wakáraꞌajeri liyá,

palájneꞌeke wani piká.

Tupana, piká wawakáraꞌajeri wani, palájneꞌeke wani piká.

Piká weꞌepiri piyukeja nakaje laꞌakana, palájneꞌeke wani piká.

Ñakeja wani matajnako piꞌimajika, palájneꞌeke wani piká.

(San Mateo 6:9-13 – Padre Nuestro)

“Ñakeja ipechu iꞌimaká puꞌují. Ipuraꞌó kaja

methú ke Tupana waꞌaté”.

(I Tesalonicenses 5:17,18)

19

16. PALANI RIKÁ

//Palani riká, palani riká, palani riká, palani riká, ke wemaká Tupana nakú.//

Juan amari jeꞌechú churuna

Palá napuraꞌakó Tupana nakú.

Neꞌiyajena jataniño, neꞌiyajena puraꞌañó. Palá natanika Tupánajlo.

“Chuwaka, wawakáraꞌajeri Tupana

iꞌimajika piyukeja ejaꞌawá churuna wakáraꞌajeri.

Matajnako riꞌimajika nawakáraꞌakana nakú.

20

Riꞌirí, riwakáraꞌakare ejaꞌawá chojé iꞌimaká

inaꞌuké iꞌimatájeri penaje, wakáraꞌajeri

kaja rijwaꞌaté”, ke jeꞌechú churuna kemaká. (Apocalipsis 11:15)

17. KAJRÚ PÉCHURI RIKÁ

Tupana, nomá kajrú nakaje

pikeñoꞌótakare, raú nuweꞌepí kajrú péchuri piká.

Piká keñoꞌótari jeꞌechú, rewá iꞌimakare

waꞌaté. Piyukeja ejaꞌawá chu iꞌimakare, pikaja kalé keñoꞌótari riká.

CORO: Ñakele notaní palá Tupánajlo, //kajrú péchuri riꞌimakale.//

21

Piyukeja nakaje laꞌajeri riká,

//kajrú péchuri riꞌimakale.//

Nuchiraꞌakochu ejaꞌawá eꞌiyowá,

kajrú nomaka nakaje pilaꞌakare.

Nomá aꞌawaná iwí, nomaꞌá kupiraꞌaphana atanika.

Apala nomá kaja kamejérina reꞌiyowá. Nuweꞌepí íkiꞌija piwátaka weká, raú piwakáraꞌa Piꞌirí wani

ejaꞌawá nakojé iꞌimaká.

Riká, Jesucristo, takaꞌarí nuchaya

iꞌimaká, nuchaje amájero kaja riká, Jesucristo.

22

Piwáꞌaje kaja nuká pijwaꞌaté jeꞌechú chojé. Re puꞌují wani nupechu

iꞌimajika. Re pijwaꞌaté nuꞌumajé,

unká nukapichálajo,

palá wani nuꞌumajíkale pijwaꞌaté. “Íkiꞌija wani Tupana wátaka inaꞌuké,

ñakele riwakáraꞌa Riꞌirí majó ejaꞌawá

nakojé iꞌimaká. Pajluwaja Riꞌirí. Kaphí iná

pechu iꞌimakachu richojé, riꞌimatá iná kapichákajo liyá raú iná iꞌimakáloje matajnako rijwaꞌaté jeꞌechú chu”.

(San Juan 3:16)

23

18. TUPANA LAꞌARÍ NUKÁ

//Tupana laꞌarí nujlú.//

Riwata nomaka nujlú aú palá. Tupana laꞌarí nujlú.

//Tupana laꞌarí nuꞌujwí.//

Riwata nomaꞌaká raꞌapiyá palá. Tupana laꞌarí nuꞌujwí.

//Tupana laꞌarí nunuma.//

Riwata nupuraꞌakó richiyá palá.

Tupana laꞌarí nunuma.

//Tupana laꞌarí nuyáteꞌela.//

Riwata nulaꞌaká piyukeja palá. Tupana laꞌarí nuyáteꞌela.

//Tupana laꞌarí nuꞌumá.//

Riwata noꞌopaka ejaꞌawá chuwá palá.

24

Tupana laꞌarí nuꞌumá. 19. RIꞌIMATÁ NUKÁ KAPICHÁKAJO LIYÁ

//Unká chiyó nomaꞌá Jesucristo

jaꞌapiyá, unká nupechu iꞌimalá nojló palá.//

CORO: //Palá wani Jesucristo weꞌepika

numuꞌují, raú riꞌimatá nuká kapichákajo

liyá.//

//Unká na wani kalé nulaꞌá palá,

riꞌimatákaloje nuká penaje.//

//Nupechu nakiyá Tupana kaꞌarí

25

piyukeja puꞌuwaré nulaꞌakare.//

//Tupana aꞌarí nojló Ripechu,

nuꞌumakáloje wajé péchuji chuwá penaje.//

//Jesucristo palamane aú palánija nuká meꞌetení Tupánajlo.//

//Palá wani nuꞌumajika Tupana waꞌaté matajnako jeꞌechú chu.//

“Unkájika ee iná mothoꞌó piño wajé ke, unká meke laꞌajé iná iꞌimalaje Tupana

waꞌatéjena nakiyana”, ke Jesús kemaká. (San Juan 3:3)

26

20. ÍKIꞌIJA JESUCRISTO WÁTAKA NUKÁ

//Íkiꞌija Jesucristo wátaka nuká, ke ripurákaꞌalo kemaká//.

CORO: Íkiꞌija riwátaka nuká, íkiꞌija

riwátaka piká, íkiꞌija riwátaka weká,

ke Ripurákaꞌalo kemaká.

Íkiꞌija Jesucristo wátaka nuká.

Riwata nomaꞌaká raꞌapiyá palá.

Nujwákeꞌewe wani riká, Jesucristo. Íkiꞌija wani riwátaka nuká.

Íkiꞌija Jesucristo wátaka nuká,

raú rijmeꞌetá nopu iꞌimaká.

27

Riwata puꞌuwaré kaje kaꞌakana nuliyá.

Íkiꞌija wani riwátaka nuká.

Meꞌetení jeꞌechú chu riká, Jesucristo.

Waꞌajini ramaka palá nuká.

Rejomi riꞌijnajé nuwáꞌaje,

ñakeja nuꞌumajika rijwaꞌaté.

21. NUJWÁKEꞌEWE WANI JESUCRISTO

Nujwákeꞌewe wani Jesucristo.

//Riwajwé nuká.//

Nujwákeꞌewe wani Jesucristo, Tupana iꞌirí riká.

28

//Riká wajwé nuká, riká wajwé nuká. Íkiꞌija riwátaka nuká.//

Pijwákeꞌewe wani Jesucristo. //Riwajwé piká.//

Pijwákeꞌewe wani Jesucristo, Tupana iꞌirí riká.

//Riká wajwé piká, riká wajwé piká. Íkiꞌija riwátaka piká.//

Wajwákeꞌewe wani Jesucristo. //Riwajwé weká.//

Wajwákeꞌewe wani Jesucristo, Tupana iꞌirí riká.

//Riká wajwé nuká, riká wajwé piká,

29

riká wajwé kaja weká.// 22. JESUCRISTO WAꞌATEJE NUꞌUMAKACHU

Jesucristo waꞌateje nuꞌumakachu, wajé chuwá nupechu.

Jupichumi nupechu yuriro nuyámojo.

//Wajé chuwá nuꞌujnataka nupéchuwa

nutukumó.//

“Iná iꞌimakachu pajluwaja keja

Jesucristo waꞌaté, wajé iná pechu.

Jupichumi iná pechu yuriro iná

30

yámojo; wajé chuwá iná iꞌijnatá iná

péchuwa reyá iná tukumó”. (2 Corintios 5:17)

23. NOÉ

Kajrú inaꞌukena laꞌañó puꞌuwaré,

unkale nemaꞌalá Tupana jaꞌapiyá.

Raú Tupana kemari nanaku:

“Nukapichátajika chuwa neká”.

“Nuwakáraꞌaje juni jaꞌakó kajrú”, ke Tupana kemaká najló.

Raú piyukeja ejaꞌawá churuna kapichájeño junápeje.

31

Tupana wakáraꞌari Noé laꞌaká wapuru ñópoꞌojlo júpimi iꞌimaká.

Raú Noé laꞌarí riká,

remaꞌakale Tupana jaꞌapiyá.

Kajrú rijápaka wapuru laꞌakana nakú: “Tu-tu-tu”, ke rimejé iꞌimaká.

Ajopana inaꞌukena amaño riká, neꞌechakaja rinaku raú.

Marí ke Tupana wakáraꞌaka Noé:

“Chuwa pimujlúkaꞌa wapuru chojé.

Piyajalo, piyani, kamejérina waꞌaté, piyukeja iꞌimajeño palá”.

Eyá juni keñoꞌorí jaꞌakajo kajrú.

32

Kaphí ajopana jawíyoꞌoka:

“Noé, Noé, pijmeꞌetá wajló piwapúrune numaná”.

Raú Noé kemari najló:

“Kaja Tupana ichiya riká”.

Raú nakapichó piyukeja iꞌimaká, nakapichó junápeje.

Noé, riyani, riyajalo waꞌaté

iꞌimaño palá wapuru chu.

Kupiraꞌaphana, kamejérina iꞌimaño palá, wapuru chu neꞌemakale.

Jesucristo wajló wapuru ke,

riꞌimatákale weká kapichákajo liyá.

33

Ñakele paꞌá pikó rijló,

rilaꞌakáloje piká palá penaje.

“Iñeꞌepú ke nuká inaꞌukejlo, nuwáꞌajikale

neká Tupana ejo. Kewákaje nupurákaꞌalo. Kaphí nochojé péchurunaja kalé iꞌijnajeño Noraꞌapá iꞌimaká ejo, re neꞌemakáloje

matajnako nujwaꞌaté”, ke Jesús kemaká. (San Juan 14:6)

24. PUꞌUJÍ WAPECHU

Tupana iꞌirí motoꞌorí iꞌimaká.

Wajlojé penaje rimotoꞌó iꞌimaká.

Riꞌimatákaloje weká kapichákajo liyá, riꞌimatákaloje weká Tupánajlo.

34

CORO: Puꞌují wapechu, puꞌují

wapechu, palá wani Jesucristo laꞌakale weká.

Rimotoꞌó wajlojé penaje iꞌimaká.

Ritakaꞌá wachaya penaje iꞌimaká.

Puꞌují wapechu, puꞌují wapechu,

palá wani Jesucristo laꞌakale weká.

Jesucristo iꞌimaké ejaꞌawá chu wakajé,

palá wani rilaꞌajika kajrú wani inaꞌuké.

Jesucristo weꞌepike namuꞌují palá. Natámina nakiyana ritejmoꞌótake iꞌimaká.

Jesucristo paꞌaró piño jeꞌechú chojé,

35

meꞌetení re riká Raraꞌapá waꞌaté.

Riwata wemaꞌaká raꞌapiyá palá,

riwata kaja wapuraꞌakó rijwaꞌaté.

Jesucristo waícha piño marí ejaꞌawá nakojé.

Raꞌapiyá jemaꞌajeño riwáꞌaje rijwaꞌató. Nekaja kalé iꞌijnajeño riwakajé.

Nekaja kalé iꞌijnajeño jeꞌechú chojé. 25. PALÁ TUPANA WAKÁRAꞌAKA NUKÁ

Palá wani Tupana laꞌaká; palá rilaꞌaká

nuká. Rikaꞌá nuliyá puꞌuwaré

nulaꞌakare,e kaja ramó nuchaje.

36

//Chuwa nuwata raꞌapiyá jemaꞌakana, rikaja jaꞌapiyá nomaꞌajé.//

CORO: Palá Tupana wakáraꞌaka nuká. Ripechu aú riwakáraꞌa nuká.

Ripurákaꞌalo aú riwakáraꞌa nuká. Palá Tupana wakáraꞌaka nuká. Unká nuwátake Tupana iꞌimajika, unká wani nuwátake riká.

Paineko nupechu iꞌimá rinaku: “Unká ripalamane kalé nuká”.

Puꞌuwaré wani nulaꞌajika iꞌimajika, kaja keja nuꞌumajika.

Unká nuwátake raꞌapiyá jemaꞌakana,

37

unká wani nuwátake riká. Jesucristo yukuna nomaꞌá iꞌimaká, palani riꞌimaká nojló.

Jesucristo takaꞌarí wachaya penaje, nuchaya kaja ritakaꞌá iꞌimaká.

Riꞌimatákaloje nuká kapichákajo liyá, ripenaje ritakaꞌá iꞌimaká.

Riꞌimatákaloje nuká Jiñá Chiꞌinárikana liyá, ripenaje ritakaꞌá iꞌimaká.

Chuwaka Tupana waꞌateje nuká, Tupana waꞌatéjeja nuká.

Riká aꞌarí nojló Ripechu, raú riyani

nakiyana nuká. Ripechu aú raꞌá nuñathé,

38

nuꞌumakáloje palá. Ripechu aú raꞌá

nuñathé, nulaꞌakáloje palá. 26. ¿NA RIKÁ?

¿Na riká lamáꞌatari meꞌejwiruna, nemaꞌakáloje palá penaje?

¿Na riká lamáꞌatari manumaruna, napuraꞌakóloje palá penaje?

CORO: //Jesús riká, Jesús riká.

Inaꞌuké wani, Tupana iꞌirí riká.//

¿Na riká tejmoꞌótari kajrú natámina? ¿Na riká kaꞌarí jiñá pechu neꞌiyayá?

¿Na riká chiraꞌaró juni jimó iꞌimaká?

¿Na riká wakáraꞌari karená?

39

¿Na riká jemaꞌarí wapuraꞌakó?

¿Na riká aꞌarí rinakojé weká?

¿Na riká puraꞌaró wachayá?

¿Na riká lamáꞌatari wapechu palá? 27. JESUCRISTO WAÍCHA PIÑO

Jesucristo waícha piño majó, ke Tupana kemaká.

Juni juwákaꞌala eꞌiyowá riwitúkaꞌaje jeꞌechú chiyá.

Raꞌapiyá jemaꞌajeño wáꞌaje riꞌijnajé.

Nekaja kalé riwáꞌaje rijwaꞌató.

CORO: //¿E Jesucristo wáꞌajika piká?

40

¿E piꞌijnajika rijwaꞌaté?//

¿E Jesucristo wáꞌajika piká?

¿E piꞌijnajika rijwaꞌaté jeꞌechú chojé?

Jesucristo takaꞌarí inaꞌuké chaya

iꞌimaká, riꞌimatákaloje Tupánajlo weká penaje.

Riwakajé richáꞌata tákaꞌakaje;

richáꞌata kaja Jiñá Chiꞌinárikana.

Riwata puꞌuwaré kaje kaꞌakana waliyá. ¿E piwátaka Tupana jaꞌapiyá jemaꞌakana?

¿E piwátaka rilamáꞌataka pipechu?

Piꞌimakáloje palá maare ejaꞌawá chu,

41

piꞌijnakáloje rijwaꞌaté jeꞌechú chojé. Chuwaka piyurí pikó Tupánajlo, eyá palá rilaꞌajíkano piká.

Unká wani riyurílaje pikoja piká,

pitakaꞌajika ejomi piꞌimajé rijwaꞌaté.

“Nojena, íkiꞌija nuwátakarena, kaja numá

ijló mékeka riꞌimajika. Riwátakana nakú

ilaꞌá ipéchuwa kaphí, ilaꞌakáloje palá

ajopana inaꞌukena; ilaꞌá kaja ipéchuwa

kaphí, ilaꞌaká piyá puꞌuwaré. Jemaꞌá marí:

Unká wawakáraꞌajeri Jesucristo laꞌalá rikó tuꞌujné majó iphákana nakú. Inaꞌuké palaꞌatákaloje napéchuwa puꞌuwaré

42

nalaꞌakare liyá penaje unká riphálaje majó kiñaja, raú weꞌechú kaꞌalá iꞌimajé jupi

najló, neꞌemakóloje kapichákajo liyá penaje”. (II Pedro 3:14, 15a.)

28. PALÁ WAJMEꞌETÁJIKA RIWAKAJÉ

Palá wani wajmeꞌetájika riwakajé,

Jesucristo iphájika majó wakajé.

Piyukeja raꞌapiyá jemaꞌajeño

iꞌijnajeño rajalákaje riwakajé.

CORO: Palá wani weꞌemajika Jesucristo waꞌaté. Unká na iꞌimalaje kapuini wajló

43

riwakajé. Unká wamálaje chapú kaje yajwé. Palá weꞌemajika rijwaꞌaté. Wawakáraꞌajeri wani riká.

Ñakeja weꞌemajika rijwaꞌaté. Jesucristo iphájika wátakana nakú weká,

weꞌejnakáloje rijwaꞌaté jeꞌechú chojé.

Waweꞌepí kewaka riphájika majó,

ke Tupana purákaꞌalo kemaká.

29. PALÁ WEꞌEMAJIKA

Jesucristo paꞌaró jeꞌechú chojé.

Re riká Raraꞌapá waꞌaté.

Meꞌetení rilaꞌaká wañakaró,

raꞌapiyá jemaꞌajéñojloje penaje.

44

CORO: //Cháꞌatajeño weꞌemajika Tupana waꞌaté jeꞌechú chu.//

Unká na iꞌimalaje chapú wajló

Tupana waꞌaté jeꞌechú chu.

Piyukeja palá nojé rewá.

Re unká na iꞌimalaje puꞌuwareni. Unká na apú iꞌimalá ejaꞌawá chu,

riꞌimatákaloje Tupánajlo iná penaje.

Jesucrísto ja kalé pajluwaja

iꞌimatari iná kapichákajo liyá.

45

30. NUꞌUMÁ RIYUKUNA TUPÁNAJLO

//Ajopana chapújraꞌakochu nunaku, nuꞌumá riyukuna Tupánajlo.//

//Nupechu laꞌakochu ujwí Tupana liyá,

nuꞌumá riyukuna Tupánajlo.//

//Nupechu kawílaꞌakochu nakaje nakú,

nuꞌumá riyukuna Tupánajlo.//

//Jiñá Chiꞌinárikana kawílaꞌakachu

nunaku, nuꞌumá riyukuna Tupánajlo.// //Nutami wani nulaꞌakochu,

nuꞌumá riyukuna Tupánajlo.//

46

//Chuwa nuwata Jesucristo

lamáꞌataka nojló nupechu,

raú nuꞌumá riyukuna Tupánajlo.// //Nuwata Jesucristo wakáraꞌaka nuká, raú nuꞌumá riyukuna Tupánajlo.//

Jesús kemari najló: “Inaꞌuké iꞌimakáloje nupalamane penaje iꞌimaká nuká. Unká

nuphala majó inaꞌuké laꞌakáloje nojló

nakaje penaje. Nulaꞌakáloje najló

nakaje penaje nuꞌujná majó. Noꞌojé nokó

kajrú inaꞌukena chaya penaje, neꞌemakóloje kapichákajo liyá raú”. (San Marcos 10:45)

47

31. JESUCRISTO WAꞌATÉJENA WEKÁ

//Jesucristo waꞌatéjena weká, palá

waꞌapaka rijwaꞌaté.//

CORO: //Rijwaꞌaté waꞌapá, palá waꞌapaka rijwaꞌaté.//

//Jesús ijlú chuja weká, palá ramátaka weká.//

//Jesús leꞌejena weká, palá raꞌaká

rinakojó weká.//

//Jesucristo waꞌaté weꞌemajé, ñaké

weꞌemajika rijwaꞌaté.//

48

32. WAWATA PAꞌAPIYÁ JEMAꞌAKANA

Jesucristo, pijló waꞌá wañakaré, wawátakale pamaka riká.

Wawata piꞌimaká wawakáraꞌajeri penaje, eko pamá palá weká.

CORO: Weꞌechú kaꞌalá keja wawajwé

piká. Wawata paꞌapiyá jemaꞌakana.

Paꞌapiyá wemaꞌajé weꞌechú kaꞌalá keja.

Piká jaꞌapiyaja wemaꞌajé.

Jesucristo, pijló wayurí wayani. Wawata pamaka neká.

Weꞌechú ketana pamájika neká,

49

lapí ketana waꞌató. Pikaꞌá waliyá puꞌuwaré walaꞌakare, jukajo pikaꞌá riká.

Pikaja kalé kaꞌarijla riká, wachaje amájero piká.

Pipechu aú ja pewíñaꞌataka weká, walaꞌakáloje piwátaka ke.

Pipurákaꞌalo aú ja pewíñaꞌataka weká, walaꞌakáloje piwátaka ke.

“Pimakachu pinakuwá: Kewaka puꞌuwaré

laꞌajerí nuká, Tupana kemaká nunaku ke, e riweꞌepeje pimuꞌují. Ramajo pichaje

50

puꞌuwaré pilaꞌakare liyá, raú piꞌimajé unká japi laꞌalá puꞌuwaré ke rijló”. (I Juan 1:9) 33. TUPANA, PIKAꞌÁ PINAKOJÓ NUPECHU

Tupana weꞌepiri nunaku piyukeja,

unká na iꞌimalá riká ke kajruka.

Rikaja weꞌepiri mékechamika nutakaꞌajika,

rikaja kalé weꞌepiri.

CORO: //Tupana, paꞌá pinakojó

nupechu,// nupechu iꞌimakáloje palá

pijwaꞌaté, ñakele paꞌá pinakojó nupechu.

51

Tupana, Piꞌirí takaꞌarí iꞌimaká.

Kajrú ramaka kewini yajwé.

Chapú péchuruna noño riꞌimaká, ke Piꞌirí takaꞌaká iꞌimaká.

Tupana, Piꞌirí makápoꞌoro piño iꞌimaká. Unká méñoꞌojo nakapichátala riká.

Rikaja kalé cháꞌatari takaꞌakaje.

Richáꞌata tákaꞌakaje iꞌimaká.

Wapechu iꞌimakachu kaphí Jesucristo

chojé, riꞌimatákaloje weká Raraꞌapajlo, weꞌemajé rijwaꞌaté jeꞌechú chu,

unká wakapichálajo.

Unká nuweꞌepila mékechamika

52

nutakaꞌajika,

Tupánaja kalé weꞌepiri riká.

Kaphí nupechu Jesucristo chojé,

riꞌimatákaloje nuká Tupánajlo.

“Tupana weꞌepíkale imuꞌují, riꞌimatá iká kapichákajo liyá, ipechu iꞌimakale kaphí richojé. Unká nakaje palá ilaꞌakare

palamane aú kalé riꞌimatá iká; Jesucristo

palamane aú riꞌimatá iká”. (Efesios 2:8)

34. JESUCRISTO WAꞌATÉ NOꞌOPAKA

CORO: Jesucristo waꞌaté noꞌopaka. Nomátajeri wani riká. Rikápeje wani nuká.

53

Rijwaꞌateja nuꞌumajé. Unká nukeroꞌoló kalajerúwaka iꞌimakana piyá, unká kaja

nukeroꞌoló pichaní majákaꞌako piyá. Unká kaja nukeroꞌoló nokoja chiraꞌakano piyá,

Jesucristo iꞌimakale nujwaꞌaté. Unká nukeroꞌoló ejaꞌawá minaná piyá.

Unká kaja nukeroꞌoló chuꞌuwí piyá,

Unká nukeroꞌoló kuwañá piyá,

numejñátajeri wani kalé Tupana.

Unká nukeroꞌoló Ejá kuwáꞌakana piyá.

Unká nukeroꞌoló pupuchí piyá,

54

Unká kaja nukeroꞌoló junápiri piyá,

Tupana ijlú chuwaja nuꞌumakale.

Chuwa unká nukeroꞌoló nutami kaje piyá, unká kaja nukeroꞌoló

takaꞌakaje piyá.

Kaja noꞌó nokó Jesucrístojlo,

raú riꞌimatá nuká kapichákajo liyá.

“Apú eyá ke noꞌopákano kajruni ipuré jiwami, kajrupi iꞌimakare chuwá kalajerúwaka. Eꞌiyonaja unká nukeroꞌoló rewá jaꞌapákana aú, nuweꞌepíkale nujwaꞌaté piká, Tupana. Pipurákaꞌalo kemaká ke laꞌakana laꞌarí nupechu kaphí”. (Salmos 23:4)

55

35. CHUWAJÁ WAWATA

TUPANA JAꞌAPIYÁ JEMAꞌAKANA Chuwajá wawata Tupana jaꞌapiyá jemaꞌakana.

Chuwajá wawata Tupana waꞌaté puraꞌakano.

Palá wani rilaꞌaká weká,

íkiꞌija riwátakale weká.

Chuwajá wawata Tupana jaꞌapiyá jemaꞌakana.

Imá Tupánajlo: “Palá pilaꞌaká nuká”, ke,

palá iꞌimajika wakajé; imá kaja rijló: “Palá

pilaꞌaká nuká”, ke, chapú kaje yajwé

56

amájika wakajé. Ilé ke riwátaka Jesucristo jaꞌapiyá jemaꞌajeño kemaká rijló. (I Tesalonicenses. 5:18)

36. PALA TUPANA LAꞌAKA WEKÁ

CORO: //“Palá pilaꞌaká nuká, palá

pilaꞌaká nuká”, ke numaká Tupánajlo.// Lapiyami nomaꞌá kupiraꞌaphana

puraꞌakó, raú nuꞌujnatá nupéchuwa:

“Meke palá wani Tupana laꞌaká neká ñani, piyukeja laꞌajeri riká”.

Lapiyami keja nomá kamú jáchoꞌoko, Tupana palamane riká.

57

Eyá lainchu keja nomá kamú witúkaꞌaka, ripalamane kaja riká.

Puꞌuwaká nomá aꞌawaná jiwí palani, numá: “Tupana liyájeko riká”.

Puꞌuwaká nomá pipirí aparaka,

numá kaja: “Riliyájeko riká”.

37. INAꞌUKÉ WANI INÁ NAJWAꞌATÉ

CORO: //Iná wátakachu íkiꞌija inaꞌuké, inaꞌuké wani iná najwaꞌaté.//

Unká iná yúchaꞌalo nachá kiñaja,

unká chu nalaꞌalá kiñaja iná wátaka ke.

58

Unká kaja chapú kalé iná huo iꞌimaká nachá, nacháꞌatakale iná.

Unká iná laꞌalá nakaje maparátano ke. Unká kaja iná iꞌimalá kanakújneꞌeke raú.

Unká iná iꞌimalá imaꞌá péchuri najwaꞌaté.

Unká kaja iná aꞌalá iná nakojó chapú nalaꞌakare iná.

Puꞌují iná pechu palá nalaꞌakare aú.

Unká iná laꞌalá puꞌují iná péchuwa puꞌuwaré nalaꞌakare aú.

59

Íkiꞌija iná wátaka ajopana inaꞌukena.

Riká aú iná cháꞌata apú nakaje iná laꞌakare.

(I Corintios 13 nakiyana riká.) 38. San Juan 13:34,35

“Íkiꞌija nuwátaka iká”,

ke Jesucristo kemaká wajló.

“Íkiꞌija iwátaka pekowáaka”,

ke Jesucristo kemaká wajló.

“Íkiꞌija nuwátaka iká,

ke kaja iwátaka pekowáaka”, ke Jesucristo kemaká wajló.

“Íkiꞌija iwátajika ee pekowáaka,

60

piyukeja inaꞌukena weꞌepéjeño nujwaꞌatéjenaka iká”,

ke Jesucristo kemaká wajlo.

(Música: Adaptado de una canción de cuna. Aꞌajitakaje nakojé riká)

39. TUPANA WEꞌEPIRI

//Tupana weꞌepiri nunaku piyukeja.// //Tupana weꞌepiri méreka nuká.// //Tupana jemaꞌarí piyukeja

wapuraꞌakó.//

//Unká meñoꞌojó numichoꞌoló Tupana

61

liyá.// //Nuꞌumakachu ejaꞌawá eꞌiyá, Tupana amari nuká.//

//Kalajerúwaka nuꞌumakachu, Tupana amari nuká.//

//Tupana aꞌarí inaꞌukejlo napechu.// //Weꞌechú kaꞌalaja Tupana weꞌepika nuká.//

//Nukamátako cháyomi riweꞌepika nuká.//

//Tupana, pamó nuchaje puꞌuwaré

62

nulaꞌakare liyá.// //Tupana, nuwata paꞌapiyá

jemaꞌakana.//

(Salmos 139 nakiyana riká) 40. TUPANA PAꞌÁ WAÑATHÉ

///Tupana, paꞌá wañathé,/// wañathé aꞌajeri piká.

///Pipalaꞌatá wapechu palá,/// wapechu palaꞌatájeri piká.

///Piꞌimatá weká kapichákajo liyá,/// Weꞌematájeri wani piká.

63

///Pitejmoꞌóta weká, watamina weká,/// watejmoꞌótajeri wani piká.

///Pipurákaꞌalo aú pewíñaꞌata weká,/// wewíñaꞌatajeri wani piká. ///Tupana, paꞌapiyá wemaꞌajé,/// paꞌapiyaja wemaꞌajé. 41. TUPANA, PUꞌUJÍ WAPECHU

Waraꞌapá, puꞌují wapechu, pijló waꞌá wekoja.

Puꞌují wapechu pinaku. Jesucristo, puꞌují wapechu, piká amaro wachaje.

64

Puꞌují wapechu pinaku. Tupana Pechu pewíñaꞌata weká. Piwakáraꞌa walaꞌaká palá. Puꞌují wapechu pinaku.

Tupana, puꞌují wapechu. Palá pilaꞌaká weká,

piyukeja pilaꞌakare aú.

42. JESUCRISTO WEꞌEPIRI WAMUꞌUJÍ PALÁ

///Jesucristo weꞌepiri wamuꞌují palá,///

raú ritakaꞌá wachaya iꞌimaká.

65

///Jesucristo iꞌimatari weká kapichákajo

chiyá,/// rikaja kalé cháꞌatari takaꞌakaje. ///Khaí kaja Jesucristo weꞌepika

wanaku,/// íkiꞌija wani riwátakale nuká. ///Wawata wapechu iꞌimaká Jesucristo pechu chuwá,/// raú kaja palá

riwakáraꞌaka weká.

///Jesucristo makápoꞌoro liri chiyá,///

raú kale rinakojé kaja wamakápoꞌojo. 43. JESUCRISTO LAꞌARÍ PALÁ WAPECHU

///Jesucristo laꞌarí palá wapechu,///

66

weꞌematájeri kaja riká. ///Tupana laꞌarí palá wapechu,/// wawakáraꞌajeri kaja riká.

///Wawata Tupana laꞌaká palá

pipechu,/// raú palá wani pipechu iꞌimajika.

67